Blogger manang ni yawng hpang de

De,

Myit rum manang Jinghpaw blogger ni yawng hpang de ngai KACHINBEE hku na ndai post hte shadum, shana dat n-ngai.
Ya ten gaw, Myen hte Shang Lawt ni dinghku majan byin nga ai re majaw, an hte Blogger ni mung dang du/ dang dep ai ram shiga ni hpe post galaw ai zawn Myen a nchyang mayam ni rai nga ai, myen a n-gyi kasha ni mung Myen a matu propaganda shiga site (blog) ni hpe galaw nga ai hpe yawng mung chye sai.

Dai hta ahkyak ai gaw, ndai zawn re ten hta, Myen a n-gyi kasha ni gaw, zim n-nga ai. An hte a Email, Facebook hte blog ni hpe hack ai lam ni nga wa na re majaw, tinang a Email, Facebook hte blog ni hpe shim lam nga na matu shadum shana dat n-ngai.

Gara hku sadi ra na lam ni hpe gaw laksan n-tsun sai, yawng sadi ga. Shada shadum hkat ga. Yawng ta gindun ga. Blogger ni dang di ai daram Myu Sha Lam yan hta rau shakut sa wa ga ngu shadum shana dat n-ngai..

Yawng hpe hkungga let
KACHINBEE

Mare Masha ni hpe zingri jat

Dai ni Nov, 12 ya Hking 1:00pm grup yin hta (Tat Ma)  88 Myen Dap, Tai hpyen ni gaw Sadung Lu Htawng Mare na Salang Sum lut Gun Awng (Na n-na ai wa) hpe shaga ai shaloi n-na ai majaw, shaga yang n-htan ai sha hkawm taw ai hpe hprawng ai ngu tsun n-na Rim la n-htawm Gyit Zing ri, Lata hta Mung gadoi ashep ai lam, shi nan hprawng lawt wa n-na bai wa shana tsun dan ai majaw na chye lu ai.

Wan Nat hkrum ai Nam San Yang Mare

October shata 16 - 28 ya lapran hta Myen Hpyen Hka-L-Y (121) hte Hka-M-Y (348) ni nat kau ya ai, Nam Sang Yang na Nta Sumla ni re. Nat kau hkrum ai nta yawng 30 jan re lam hpe buga masha ni kawn chye lu ai.

N-Dung Dabang hta matut gap

Oct. 29, 2011 ya shani hta,N-Dung Dabang kaw bai matut gap hkat ai hta, Myen de na marai (3) si, 5,6 hkala ai lam sagawn chye lu ai. Dai hta sinat (1) mung bai lu la ai lam chye lu ai.

 N-Dung Dabang hpe tsan ai kaw na mu lu yang

N-Dung Dabang hta gasat poi byin

Oct.28.2011 ya, shani N-Dung Dabang hta Myen hpyen Dap Hk-L-Y 142 ni hte KIA Dap Ba (5) n pu, Dap Dung 24  hte Laiza Mung shawa hpyen Hpung ni gasat poi shani tup laja lana byin ai lam chye lu ai.

N-dung Dabang hpe tsan tsan kaw na mu lu yang